Jæja þá er ég komin með netið. Það er ekkert smá gott enda er ég núna alltaf að kíkja á netið.

Ég er bara sveitinni og er alltaf í fjósi. Ég er reyndar orðin nokkuð lunginn við þetta og farin að þvo og setja á sparkara (nema þær allra verstu). Ég er búin að vera á fullu að gera íbúðina á efrihæðinni klára en við erum hálf flutt upp. Erum búin að sofa nokkrar nætur en klósettið er langt frá því að vera tilbúið. Þarf reyndar ekki að pissa í fötu bara að hlaupa niður í spreng.

Ég fór í átak Akureyringa og fór í mælingu í júlí og var komin í 70 kg. Ég var í byrjun átaksins (mæling í byrjun júní) 73.5 kg, 35.5% í fitu og of margir sentimetrar í ummál og var markmiðið að komast í 69kg í septembermælingunni. En strax í júlí voru 3 kg farin og 2% í fitu og alls 20 cm af hele kroppen. Ekkert smá flott. Ég fer svo í mælingu á fimmtudaginn og þá kemur í ljós hversu góður júlímánuður var. Ég er líka að reyna við 10km og er þegar búin að hlaupa tvisvar sinnum 8km og það á nokkuð fínum tíma. Svo er það hokkíið sem verður núna á fimmtudaginn. Allt aðgerast og ég á fullu.

En já bara sveitasæla, vinna og æfingar.

Þar til næst

Kveðja

Jónína

Bara rétt slapp í bæinn og komst í netsamband. Allt í gúddí í sveitinni nema að ég er á fullu í fjósi að reka kýr, moka skít og mjólka. Var í raun ekki ráðin í þetta starf heldur að mála fyrir búið en sigurjón er ekki alveg að ná því og dregur mig í vinnu alla daga. Ég er t.d. orðin fastur starfsmaður í því að sækja beljurnar kl 5 um morguninn og reka þær inn í mjaltir. Soldið erfitt að vakna svona snemma en það venst. Gutti er búin að vera hjá mér í tvær vikur og hefur staðið sig vel. Var farin að þrýfa spena og setja sólarvörn á spena í gær þegar ég og Sarah vorum einar í fjósi með honum og Elmari. En nú get ég ekki sagt meira nema sveitin er fín og ég er komin með smá lit J />

Kveðja Jónína />

Hæ hæ við erum á lífi en erum alls laus í sveitinni. Það er ekkert þarna nema skítalikt, beljur og þögnin. Ég sjónvarpssjúklingurinn er ekki búin að vera með sjónvarp síðan 15 febrúar og hef bara verið að lesa eins og mófó í einhverji ævíntýrabók sem enginn myndi lesa nema ég og kannski Sarah. Ég verð samt að viðurkenna það að ég er með þvílík fráhvarfseinkenni og Sjonni þarf að draga mig heim í sveitina ef við komumst í sjónvarp.

Jáh það sem hefur gerst. Við urðum heimsmeistar í 4. Deild og förum því upp á næsta ári. Geeeeeeðððveikt. Svo erum við komin með 3 hunda. Krít, Tuma (75% labbi og 25% rottvæler) og svo Nero sem er labbi. Smiðirnir eru mættir og allt á fullu í íbúðinni og ég á fullu í öllum búðum að fá tilboð í blöndunartæki og rafmagnstæki. Allt rosa spennandi sérstaklega þegar ég er ekki að borga fyrir þetta en auðvitað passa ég upp á það að fá sem besta tilboðið og bestu gæðin.  Svo er Stefán byrjaður að vinna og það styttist í að þau María og Elísabet flytji til okkar. Svo er námið í þessa önnina að klárast og ég er að spá í að breyta náminu aðeins. Ég ætla vissulega að klára fögin sem þarf til þess að fá kennsluréttindi en ég er að reyna að breyta því þannig að ég geti tekið meistaranám í kennslufærðum sem er byggt á sömu áföngum og svo nokkrum auka ásamt meistaraprófsritgerð. Alveg eins gott að klára dæmið bara og fá meiri réttindi.

Annars er bara ekkert að frétt af mér nema að ég er bara í sveitinni að elda og reyna að vera heimilisleg og eg verð víst að ná mér í fullt af bökunar og eldunarbókum svo ég geti heillað Sjonna með færni minni hehehehehehe.

Jæja þar til kemst næst í tölvu því já við erum sko líka netlaus og það er víst vesen að fá það í sveitina og ég er yfirleitt ekki með neinn tíma til að skrifa þegar ég kemst næst í tölvu

Bless bless og verið hress

Kveðja Jónína

Hæ hæ
Þá erum við komin í sveitina. Við sváfum okkar fyrstu nótt aðfaranótt mánudagsins og það var mjög notalegt. Gott að geta gengið nakin um alla íbúðina og þurfa ekki að hafa áhyggjur af því að einhver sjái mann út um gluggann. Get nánast hlaupið hring í kringum húsið og enginn sér nema jú þau sem búa á Grund 2 hehehe. Bolton og Krít eru hæst ánægð með þetta en það var reyndar vælt svolítið um kvöldið því Krítla var ekki tilbúin að fara að sofa. Loksins þurftum við ekki að vakna um miðja nótt til þess að hleypa henni út því hún má gelta eins og hún vill af frekju og það mun ekki trufla nágrananna. Þau fá nú að sprikla mikið úti og koma haugskítug heim. Þeim finnst þetta æði og við þurfum að berjast við þau að koma þeim inn svo þau borði og hvíli sig aðeins. Það er greinilega svo spennandi í sveitinni. Það er ekki alveg byrjað á endurgerðinni á efrihæðinni en það er að hefjast. Vá það verður svo flott að sjá hvernig þetta mun líta út eftir endurbæturnar, get ekki beðið. Við vorum samt bara búin að flytja rúmið á sunnudaginn og smá föt og svoleiðis en núna er kominn ísskápur, tungusófi (vorum að kaupa), eldhúsborð og stólar (vorum að kaupa) og svo týnist alltaf eitthvað meira til.
Það er einn galli á því að búa á Grund, ég þarf að vakna svo helv.... snemma til þess að fara með Möngu í ræktina kl. 6. Ég fór á fætur kl 5 og þarf að gera það líka í fyrramálið en iss ég legg mig bara seinnipartinn eða eftir ræktina. Lagði mig einmitt í morgun áður en ég byrjaði að læra.
En alla vega komin í sveitina og búin meira að segja að breyta um lögheimili, ég er löggild sveitakona
allir velkomnir í heimsókn
kv. Jónína

Hæ

Ég veit að ég hef ekki verið að tjá mig upp á síðkastið en það er bara búið að vera mikið að gera núna. Er búin að vera á fullu að vinna í verkefnum og er loksins búin með NAM áfangann, jibbí. Nú er ég að vinna í nýjum áfanga KNG sem felur í sér vettvangsnám og æfingakennslu. Ég er þegar búin að fylgjast með leiðbeinanda mínum honum Bjarna sem kennir sálfræði við MA og á ég bara eftir að fylgjast með í tvær kennslustundir, þær eru alls sex. Ég er líka búin að fá að kenna sem er æði og nú veit ég fyrir víst hvað ég vil gera yfir ævina. Ég vil kenna á framhalds eða háskólastigi. Ég er búin að kenna 3f í MA og kenna sálfræði og það þrjár kennslustundir. Ég bíst við að klára þetta í næstu og þar næstu viku sem er bara nokkuð gott því þá get ég farið að einbeita mér að verkefnunum.

Annað sem er í gangi. Við erum komin með nýjan hund sem heitir Bolton (hafið örugglega séð það á síðunni hans Sjonna). Allt gengur vel með hann og við munum svo fá annan svartan labba sem heitir Nero en hann kemur ekki til okkar fyrr en við flytjum í sveitina. Sem sagt fullt af ferfættum börnum, já þetta eru eins og börnin okkar og ég æfist í því að sýna ábyrgð þó ég viti það vel að eiga börn er allt annað dæmi en þetta er samt líkast því held ég. Ég er búin að vera að æfa á fullu en er komin með eitthvað meiðslavesen í kroppinn sem er að trufla mig við það að taka almennilega á því. Er ekki enn farin að spila leik síðan í desember því þeir falla alltaf niður og núna síðast vegna veðurs. Ég þarf að bíða þar til í mars til þess að geta spilað.

Ok í dag hitti ég Guðjón sem Sjonni vinnur hjá. Við vorum að skoða eftirhæðina á Grund til þess að meta það hvað þurfi að gera. Það er hellingur sem þarf að gera og þetta mun taka nokkrar vikur jafnvel nokkra mánuði. Ég er samt ekkert smá spennt og vitið þið hvað við Sjonni erum líklegast að fara að sofa fyrstu nóttina okkar í nótt. Jah kannski ekki í nótt því við erum í smá veseni með hundana og svoleiðis en við getum flutt í kvöld ef við viljum en alla vega á morgun. Málið er að neðri hæðin er laus og það þarf ekki að vinna í henni neitt og við ætlum að flytja það nauðsynlegasta þangað og vera þar, þar til efrihæðin er orðin klár. Ég get ekki beðið eftir því að flytja í sveitina og vil helst gera það núna strax. Alla vega ég verð flutt á Grund um helgina.

Jáh eitt enn, ég átti afmæli í gær og Sjonni átti að gera eitthvað óvænt og rómantískt og hann gaf mér rauða spariskó sem ég var búin að væla yfir ekkert smá mikið. Hann bað Sollu vinkonu að redda þessu fyrir mig og ég fékk að opna hann í gærkvöldi og það var æðislegt. Síðan var hann búinn að segja að við færum út að borða á Greifanum um kvöldið og ég bara jú fínt alltaf gott að borða þar. En ég var alltaf að nuða í honum um að gera eitthvað rómantískt og hann sagði bíddu eru skórnir ekki nógu rómantískt en nei ekki nóg fyrir mig en vitið þið hvað. Hann skipulagði óvæntan hópkvöldverð með fjölskyldunni minni og vinum mínum. Þegar ég kom á Greifann, hélt það yrðum bara við tvö þá biðu þar eftir okkur, Ragney, Margrét Arna, Gutti (sem er í heimsókn um helgina), Stefán og María (bróðir hans Sjonna og mágkona) og svo Solla og Gústi. Ég vissi svo ekkert og þetta var ekkert smá æðislegt og ég varð ekkert smá ánægð og við átum á okkur gat (sérstaklega ég þar sem ég fékk að borða líka af disknum hannar Möngu og Maríu, hehehheh). Já þetta varð æðislegur afmælisdagur.

Ekkert meira núna nema bara hafið það gott

blek

Ok ég veit að ég hef ekki verið virk á nýja árinu en það er búið að vera mikið að gera í skólanum. Ég hef þurft að gera 2 mjög stór verkefni sem ég þarf að skila í þessum mánuði. Er þegar búin að skila einu þeirra og er að vinna í hinu núna. Er reyndar að gera allt til þess að þurfa ekki að vinna í seinna verkefninu. Svo er ég líka á fullu að fá hugmyndir í sambandi við styrki fyrir landsliðsferðina svo að ákveðnir einstaklingar komi með. Eins gott að mér sé gefinn smá séns því annars mun allt hrynja. Ég veit stór orð en þau eru sönn.

Svo er það gleiðifréttirnar. Við erum búin að fjárfesta í bíl. Það er Dodge durango og er 2007 árgerð og er í þessum töluðu orðum á leið frá USA. Fáum hann eftir svona 6-8 vikur en þá ættum við líka að vera flutt í sveitina. Æði allt að gerast í einu.

Svo er það sorgartíðindi. Við vorum að missa Spörtu okkar og ég verð bara að viðurkenna það að ég er búin að vera ónýt síðan. Hún dó síðastliðin mánudag 14. janúar og það var mikil sorg. Sjonni var alveg ónýtur og við grétum ekkert smá þegar við vorum að jarða hana á Breiðabóli þennan morgununinn. Ég hélt að þetta yrði ekkert svo erfitt, bara syrgja og svo yrði þetta búið en ég er bara búin að vera hálf þunglynd síðan. Ekkert smá erfitt að læra og fara á æfingar en ég hef samt druslast í ræktina með Möngu til að gera prógrammið sem Sarah vill að við gerum. En allavega þetta er ástæðan fyrir því að ég hef ekkert tjáð mig undanfarið.

Þar til síðar

Bless

Nýtt ár gegnið í garð og eins og það lítur út núna þá er það ekki alveg nógu gott fyrir mig. Ég er ekki búin að gera neitt annað en að hella niður og sulla út um allt og reka mig í alla hluti sem eru fyrir mér og já það merkir þryf og aftur þryf. En við lítum bara á björtu hliðarnar og eins og ég segi alltaf ef æfing fyrir leik gengur eins og í helvíti þá hlítur allt að ganga að óskum í leiknum. Sama hlítur að vera með árið, fyrsti dagurinn er eins og æfingin en restinn er leikurinn.

Jæja þá er lokið hinu mikla fjölskyldu áti hér á bæ. Mamma og pabbi, Þórhalla, Villi og Gutti voru að fara heim á Blönduós eftir að hafa notið þess að vera í kræsingum hér á Akureyri. Mamma og Pabbi voru hjá mér í nokkra daga og fékk ég að njóta þess. Þau gáfu mér sæng (tvíbreiða), tvo kodda og fullt af sængurverum. Svona eru þau, geta bara ekki annað en gefið manni auka gjafir við þær 4 sem þær gáfu okkur um jólin. Takk æðislega fyrir okkur. Það var fullt hús hér í gær, öll fjölskyldan og svo Frosti og Aron og Sarah og vinkona hennar frá Kanada (veit hvað hún heitir en þori bara ekki að skrifa það hér því veit ekki í helvíti hvernig það er skrifað og ætla ekki einu sinni að reyna það. Jáh og meðan ég man, jólamaturinn minn heppnaðist með eindæmum vel og ég er enn í skíunum. Takk æðislega fyrir mig kæru vinkonur og ættingjar er enn að reyna að átta mig á öllu pakkaflóðinu frá ykkur en úff gjafirnar voru æði.

Annar hefur þetta bara verið rólindis vika, fór nokkrum sinnum í ræktina og í fjós með Sjonna, fékk að þrýfa nokkra spena og ýta á nokkra kúarassa, þetta er allt að koma hjá mér og hræðslan við þessi villidýr er farin að minnka. Við Manga fórum svo suður 28. des til að kíkja í búðir og já ég tók við smá verðlaunum. Ég fékk að sjá allar stórstjörnurnar sem voru tilnefndar til íþróttamanns ársins (nei Eyður var ekki) og tók sjálf við einum titli. Já konan var valin íshokkíkona ársins 2007 og var ekkert smá rauð í framan þegar hún gekk upp á svið og verið var að lesa um hana. Sem betur fer var ég í þannig kjól að það sáust ekki svitablettirnir en jii ég var að fljóta þarna af sviðinu á tímabili. Við gistum svo á Parkinn og það var ææææððððððiiiii. Svona er maður grand á því (Villi mágur splæsti vildarpunktum í þetta). Við gátum svo ekki farið heim án þess að fara í nokkrar búðir í viðbót. Eyddi samt litlu, keypti bjróstahaldara, fann loksins einhverja sem passa og þeir gefa mér alveg nýjan barm (ok gefa mér barm sem hægt er að sjá og sokkabuxur.

Því sit ég hér með þaninn maga fullann af krásum í sæluvímu eftir ánægjulegt ár og sérstaklega ánægjulega viku. Þetta á eftir að verða frábært ár og ég hlakka til að sjá hvað það ber í skauti sér fyrir mig og mína.

Gleðilegt nýtt ár allir

Kveðja Jónína

Þá er maður loksins búin í prófum. Sat við bækurnar í þrjár vikur, með hléum og stóð mig bara nokkuð vel. Ég fékk 8,5 í vefja og frumufræði og 8 í líffærafræðinni. Tel þetta bara nokkuð gott hjá stelpunni þar sem ég hef ekki verið í líffræði síðan í MA og það var ekki svona líffræði. Annað að frétta er að ég var að keppa um helgina. Okkur SA stelpunum gekk ekki eins vel að skora í þessum leik og þeim síðasta. Auðvitað hafði það eitthvað að segja að Karítas var komin aftur en við reyndum um of að troða pekkinum í gegnum magann á henni (hef heyrt að það gangi ekki vel). Þetta gekk líka brösulega því okkur vantaði vana leikmenn og Anna sonja var veik og því ekki við fulla getu. En sigur er alltaf sigur og ef þið haldið að þetta eigi eftir að verað svona í næstu leikjum þá getið þið gleymt því. Við verðum enn sterkari trúið mér. Síðan var landsliðsæfing á sunnudaginn og hún gekk nokkuð vel. Við vorum ekki að klúðra æfingunum mikið eins og oft vill verða hjá okkur heldur gekk þetta eins og smurð (hægfara) vél þar sem við vorum frekar í því að vanda okkur en að fara of hratt yfir. Ástandið batnaði líka hjá leikmönnum þegar að líða tók á morguninn. Fengum prógram frá Söruh til að koma okkur í form og svo massa mat hjá Bjarnastelpunum. Stelpur takk fyrir frábæran mat og góða helgi.

Annað sem ég ætti að nefna er að Sjonni er orðin bústjóri á Grund og byrjaði fyrir alvöru að mjólka á laugardaginn. Ég og Ragney fórum í dag til að þrífa hjá honum í fjósinu því dýralæknir kemur á morgun til að skoða staðinn. Við tókum mjólkurhúsið í gegn sem mér finnst líta ekkert smá vel út þó ég segi sjálf frá og svo byrjuðum við á klósettinu og skrifstofunni sem voru hreint út sagt vibbi. Það sést smá munur en verkið er langt frá því að vera búið. Við ætlum aftur í fyrramálið og tökum til hendinni bæði inni og úti. Sparta og Krít elska að fara í sveitina og stoppa alltaf við bílinn þó við séum ekki að fara neitt. Við flytjum ekki strax á Grund en það verður vonandi fyrir 1. mars. Karlinn sem átti Grund hann þarf að vera farin úr húsinu fyrir 1. mars og þegar hann er farin verður húsið tekið í gegn og svo flytjum við inn. Ég er sem sagt að verða bóndakona eftir svona tvo mánuði.

Annars er ekkert fleira að frétta núna nema að Stinni komst heim sem betur fer og já við Sjonni ætlum að vera ein á jólunum og ég elda jólasteikina, stelpan bara að verða fullorðin. Svo verður boð hjá tengdó, Ragney og Öll fjölskyldan kemur svo til Akureyrar um áramótin og við höldum upp á 70 ára afmælið hans Pabba.

Því vil ég bara óska öllum gleiðilegra jóla og farsældar á komandi ári, takk fyrir liðið.

Kveðja Jónína

Maður þarf helst alltaf að gera allt í einu. Er enn að vinna í ritgerð (hata þessar ritgerðir og þær verða fleiri) og ég er ekki að nenna að vinna í henni. Þetta tekur samt engan tíma þegar maður nennir að setjast niður og skella hlutunum á blað. Svo þarf ég að byrja að læra í vefja og frumufræði sem stressar mig töluvert en ég held ég skilji nú sumt betur en sumir í bekknum mínum alla vega hef ég farið úr tíma og skilið allt. Svo þar sem ég nenni ekki að læra þá er ég búin að skipuleggja allar jólagjafir og þegar búin að kaupa nokkuð margar. Fer í afganginn á næstu dögum. Það er svipaður smekkur á þeim flestum þar sem þær endurspegla nokkuð vel áhugasvið mitt í ár. Solla kenndi mér gott mottó og það er að gefa gjöf sem maður gæti viljað sjálfur og ég ætla að nota það í ár. Auðvitað sníður maður gjafirnar af viðtakandanum, ég fer ekki að kaupa bók um dráttavélar handa Margréti Örnu og þar eftir götum (þetta er sko ekki hint um hvað þú færð í jólagjöf Manga) en bækur eru einmitt eitthvað sem heilla mig mikið núna. Ég var einmitt að segja við mömmu að þetta væri ekkert smá skrítið með mig. Hún man vel hvað ég þoldi ekki bækur þegar ég var yngri (skiljanlegt þar sem ég er lesblind og enginn vissi það þá en núna dýrka ég að fara í bókabúðina og skoða bækur sem mig langar að lesa og eiga. Ætli ég sé ekki bara að þroskast eitthvað því bókalestur er ekki það eina menningarlega sem er að koma yfir mig ég er nefnilega orðin swissmokka manneskja og þykir ekkert skemmtilegra en að fára á kaffihús og fá mér einn bolla og spjalla. Jáh svona brytist maður til batnaðar með aldrinum.

En nú er tími til komin að læra og vera virk í náminu.

Sjáumst hress

bless bless

Ég er ekkert smá þreytt svona í morgunsárið. Heheh ég veit það er nánast komið hádegi en ég fór sko í ræktina í morgun með Möngu. Við tókum bara vel á því og stefnum á að fara líka á föstudaginn. Ég er svo að vonast til að það verði fótbolti í kvöld og ég ætla sko að massa hann. Ég var nefnilega að horfa á sjónvarpið á mánudaginn og þá var viðtal við einhverja sundkonuna og Audri Freyju listhlaupadrottningu (æi veit ekkert hvernig nafnið hennar er skrifað og þær voru að segja að þær væru að æfa svona 12-13 sinnum í viku til þess að ná góðum árángri. Ég fór að telja og ég er að æfa á ís svona 3-4 sinnum og svo office fyrir æfingarnar. Þetta er í sjálfu sér bara gott og blessað en ekki nóg til að verða framúrskarandi íþróttamaður. Ég ákvað því að byrja að koma mér í þetta dæmi. Ok kannski ekki alveg að missa mig í að æfa 12-13 sinnum í viku en alla vega 6-8 sinnum í viku. Ég stefni nefnilega á það að fara í ræktina og lyfta tvisvar í viku og ef til vill 1-2 sinnum að taka kardío. Svo ef fótboltinn er með í þessu þá fæ ég auka æfingu í viku. Málið er að ég vil vera í formi til þess að hafa eitthvað í liðin á heimsmeistaramótinu að gera. Ég þarf líka að styrkja mig og koma mér í form svo ég geti nýtt tímann á ísnum til þess að bæta tæknina sem er alls ekki nógu góð. Ef ég þarf að vera varnamaður í Rúmeníu þá verð ég að vera nógu mössuð til þess að þola allar þessar tæklingar. Svo er annað í sambandi við þetta, mig langar að líta vel út, mig langar að líta út eins og íþróttamanneskja sem er að spila með landsliði. Því stefni ég á að taka mig á og mun láta ykkur verða vitni að því. Þið sem sjáið mig ekki daglega verðið vonandi hissa þegar þið loksins sjáið mig aftur því ég mun verða mössuð (samt ekki eins og þessar í fitness og vaxtaræktardæminu það er ekki fyrir mig) og vel tónuð og í drullu góðu formi.

Annað sem er á döfinni. Ég er ekki bara að taka þolið og styrkinn og allt það í gegn heldur er ég líka að taka húðina mína í gegn. Síðustu daga hef ég litið út eins og bólugrýla með tvö horn á enninu og höku eins og norn. Jáh það springa út á mér kýlin og það er ekki fögur sjón. Svo er ég ekki þekkt fyrir að mála mig mikið (bara fyrir djammið og stórskemmtanir) og því skýn þetta fyrir alla að hræðast. Því hefur hafist kremmeðferð og hreynsileikir. Veit ekki hvað þetta endist lengi en ég mun reyna þó að krema mig alla upp svo húðin glansi og lýti út fyrir að vera 26 ára.

Lífið er samt við það sama, skóli, æfingar, Sjonni og hundarnir. Ekkert annað drýfur á dagana nema venjulegheitin sem eru samt svo þægileg. Ég er bara held ég nokkuð ánægð með það sem ég hef og mun fá í framtíðinni því ég veit að allt mun ganga upp. Vitið þið hvernig ég veit það? Ég mun bara vinna hart að því að fá það sem ég vil og þá mun það gerast.

Já jákvæðni er það sem borgar sig og mun fleyta okkur langt í lífinu.

Bless og verið hress

Jáh lítið búið að gerast nema að druslast hérna heima og reyna að læra. Er reyndar mjög þreytt þar sem ekkert er sofið út af hundum, mikið pyssustand og kúkaferðir um miðjar nætur. Svo þar sem helv.... ritgerðin um vandamálahegðun unglinga verður að klárast núna þá nei get ekki lagt mig. En já fínt af þess að segja en þá er það leikurinn. Bjarnakellurnar komu norður um helgina og við vorum nú ekkert svo stressaðar fyrir leikinn og það sást í leiknum. Ég bara veit ekki hvað kom yfir okkur. Það var 9-0 í fyrstu lotu og ekkert lát virtist verða á mörkum hjá okkur. Og bara svona að láta ykkur vita þá vorum við að spila mjög vel saman. Þetta var bara gull fallegt hokkí og Sarah var mjög ánægð með spilamennskuna. Hún þurfti samt að stoppa okkur af þegar við vorum komnar í svona 14-0 og skipaði okkur að bara spila og ekki skjóta nema við værum 3 á móti 1 eða 1 á móti markmanni. Ég fékk þá tvö mjög góð færi eftir gott spil frá vörninni og Jóhönnu. Það var eiginlega fullkomið brakeout skal ég segja ykkur og ég skautaði bara á fullu og skýldi pekkinum eins og mér var kennt og ég stakk bara alla af óvart og þá jáh það bara blasti við mér netið og ég varð bara að skjóta. En leikurinn endaði á 18-2 og þarna fæddist lína sem verður nokkuð þétt ef allt gegnur að óskum fyrir landsliðið. Já það eru þær Hrund (center), Gugga og Birna (kantar). Ég tel líklegt að Sarah ætli að móta þær í massa línu og henni mun takast það því þessar stelpur eru duglegar að mæta og nú hafa þær markmið til að stefna að. Ég hlakka ekkert smá til að sjá þér spila þegar Sarah verður búin að móta þær.

Annað sem ég er að velta fyrir mér. Sjonni er komin með bloggsíðu líka og hann er bara svona rétt byrjaður að skrifa og ég er ekkert spes í því að koma mér hér á netið og bulla en allt í einu eru bara 17 mans búnir að skoða hjá okkur báðum. Ég er ekki alveg að fatta þetta. Þetta er hálf svona tjallense, maður verður að fara skirfa meira og úff skrifa þokkalegan texta.

en alla vega já

búin takk takk

Ok eitt hérna í viðbót

Ég veit bara alls ekki hvernig á að vinna hérna á síðunni. Mig langar svo að gera eitthvað flott. Setja upp töffa tengla og flotta fítusa en nei ég bara kann ekki neitt. Getur maður ekki gert neitt til að fiffa upp á síðuna sína. Ég get ekki einu sinni sett inn myndir því jú ég er komin með digitalið en helló ég kann bara ekkert á þetta tengja við tölvuna, seiva þarna ýta á hitt setja á þessa eða hina síðuna, minnka eða stækka myndina og allt það kj.......

Hjálp, hjálp, hjálp ég bið um jáh ég held þið náið þessu alveg

Vona eftir betri kunnáttu í framtíðinni

Þar til þá

blessuð

Svona er lífið í sveitinni. Oh það ver ekkert smá gott að fara heim um helgina. Var samt nett stressuð um hvernig það yrði að vera með Spörtu hjá mömmu og pabba alla helgina. En vitiði hvað, skvísan var svo stillt og þvílíki gesturinn að ekkert vandamál var um helgina. Við mættum galvösk á föstudeginum, 5 í bílnum og svolítið þröngt en allir ánægðir. Við hentum Ragney og Margréti heim til Þórhöllu og við fjölskyldan fórum á Húnabrautina. Sparta fékk þar að borða og nagaði ekkert í forstofunni. Alltaf gott að hitta Ma og Pa enda sé ég þau svo rosalega sjaldan. Sparta dró okkur Sjonna svo í góðan göngutúr rétt fyrir utan bæinn en gallinn var bara að við sáum ekkert enda niðamyrkur og við vorum alltaf að týna Spörtu því jú hún er kolsvört. Þá byrjaði ballið fyrir alvöru. Við fórum til Þórhöllu og Villa og Sparta fékk að koma með. Fyrst var hún bara í búrinu enda allir að borða pizzu og það er ekkert gaman að borða fyrir framan einhvern sem má ekki borða með. Svo fékk gellan að koma inn. Ég beið eftir heimsendi en nei hún er greinilega svona vel upp alin að hún rölti um íbúðina með Þórhöllu og fékk svo að vafra um eins og hana listi. Tróð sér í sófann, sleikti alla og bað um athygli. Var samt sú stilltasta og uppáhald allra. Svo þurftum við að bera hana upp á efrihæðina hjá Ma og Pa þar sem gamla herbergið mitt er því þar átti þriggjamanna fjölskyldan að sofa. Enn og aftur var hún sú stilltasta og allt gekk að óskum. Það sem í raun einkenndi þessa ferð voru miklir göngu/hlaupatúrar um sveitirnar og jú við fórum sveitarúnnt til að skoða sveitabæina. Ég þurfti nú reyndar í miðjum rúntinum að hlaupa með Spörtu á meðan Sjonni keyrði á eftir okkur. Á laugardeginum tókum við smá rassíu við systur, mamma og Margrét Arna upp á lofti í draslinu sem er þar. Bara svona að segja ykkur þá safnar mamma öllu og við fórum ekki nema í svona 1/20 af dótinu en það var samt heilmikið. Þetta mun taka mánuð að fara í gegnum þetta allt og henda rusli. Á meðan var Sparta að skoða allt og greinilega að éta eitthvað því hún ældi uppi á lofti, fékk reyndar reykta bjúgubita og lifrapylsubita í hádeginu að smakka, en það var samt meira að hafa áhrif þarna. Hún ældi þrisvar þennan dag og það 2 í bílinn (ú búrinu hennar sem betur fer) en svo var bara allt í lagi og hún fékk enn og aftur að hlaupa í sveitinni og svo ráfa um hjá Þórhöllu. Hún meira að segja svaf hjá okkur sollitla stund í sófanum, við erum ekkert smá ánægð. Sunnudagurinn var betri. Sjonni fór með hana á lögreglustöðina með Villa á meðan mamma gerði klára sunnudagssteikina. Fengum þessa dýryndismáltíð að hætti Mömmu (sem er bara það besta í heimi) og svo ís í eftirrétt. Eftir matinn þurfti Sjonni svo að taka á sprett því Sparta sá hund og ákvað að hlaupa á eftir honum. Hún er sko á lóðeríi og jáh ekki alveg komin tími á að fjölga hjá henni. Eftir alla þessa hreyfingu í sveitinni (fórum held ég samtals í 5 göngu/hlaupatúra) þá var komið að því að koma sér heim á leið. Reyndar beið einn göngutúrinn enn því við áttum deit með Dexter og eigundunum Ragga og Ellu.

Sem sagt æðisleg helgi.

 

Stundum er ég ekkert smá dugleg á netinu skal ég segja ykkur. Ég er samt ekki komin með rétta fýlinginn. Ég ætlaði nefnilega að verða svona geðveikur vafrari og skoða fullt af síðum og svo þegar ég byrja þá nenni ég því alls ekki. Ég ætlaði einmitt að gera það núna og kíkti svo á nokkrar síður og viti menn Íhí er komin með lista af gellum, 25 alls sem eru komnar til þess að keppast um sæti í landsliðinu. Það kom kannski ekki á óvart að ég fengi að vera á listanum þar sem mér gekk vel í rúmeníu og taldi líklegt að reynsluboltarnir yrðu áfram. Það skemmtilega er að litla frænka er komin á listann. Hún er ekkert smá ánægð enda eftir helgina góðu fyrir sunnan var stefnan sett á listann og helst út. Við erum því byrjaðar að hugsa um landsliðið við tvær saman og ætlum að massa þetta feitt. Það er bara svo drullu erfitt að fara á fætur og skunda í ræktina. Þetta kemur þó allt saman og eftir Nóvembermánuð verðum við nokkuð góðar.

Við landsliðsstelprunar sem erum hér á Akureyri kepptum við 3. flokkinn okkar. Þetta var mjög erfiður leikur en kenndi okkur stelpunum mikið. Hann fór eitthvað 10-1 og stóðum við í ströngu í vörninni. Sarah sá líka hvað þarf að laga hjá liðinu og hverjum og einum. Jónínan var sett í vörnina og spurning hvort hún verði þar með landsliðinu. Það var alveg gaman og tók vel á í þessum leik en ég viðurkenni það alveg að ég sakna þess rosalega að vera senter því ég hef fundið mig best þar. Ég og Anna sonja erum samt að spila drullu vel saman og ef ég tek mig á (er enn föst í senternum) þá ættum við að vera massa varnarlína. Mig langar að segja eitt. Liðið í heild sína í síðustu landsliðsferð var ekki nógu góðu formi til þess að vinna leikina. Því langar mig að hvetja, virkja eða hvað það er sem þið þurfið, og koma ykkur í form fyrir ferðina. Við höfum einungis 5 mánuði til stefnu og varla það og það er ekki langur tími. Sarah þarf að vinna að miklu með okkur hvað varðar tækni, kerfi og spila saman og ef formið er ekki til staðar þá getum við ekkert á móti þeim. Þannig að nú segi ég, hættum þessari leti og tökum okkur á í andlitinu og gyrðum okkur í brók. Mætum í ræktina og förum auka út að hlaupa og sýnum þessum helv..... eistnesku og rúmensku stelpum hvaðan við komum. Auðvitað líka Nýja sjálandi og suður afríku.

Jæja nú er ég hætt að væla í bili

Sjáumst síðar

Kv. Jónína

P.s. var að kaupa mér digital myndavél og er að læra á hana. Hver veit kannski koma nokkrar myndir inn.

Hvað er eiginlega í gangi með mig? Sko ég er búin að þjást af síþreytu í soldin tíma og það er ekki út af leti. Ég fer yfirleitt á fætur um kl 8 til þess að horfa á Dr Phil og háma í mig morgunmat (enda er það eitt af uppáhalds matmálstímum mínum) eða að fara í skólann. Svo kemur hádegið og ég fæ mér að borða og tek göngutúr með Spörtu. Síðan kemur hræðilegi tíminn. Um og eftir kl 14 þá er ég svo þreytt að ég verð að sofa. Ég hef reynt að halda mér vakandi en það er bara ekkert smá erfitt. Þó ég fari út með Spörtu og reyni að vekja mig þá virkar það ekki. Ég stend úti og geyspa líkt og mér sé borgað fyrir það. Ég ákvað því að kanna málið, hafði samband við lækni og var viss um að þetta væri járnskortur, annað gat þetta ekki verið. Einnig til að vera viss ákvað ég að kanna hvort ég væri nokkuð ófrísk. Svoleiðis hlutir geta nú gerst. En nei svo var ekki. Ég mætti því til blóðprufu og einhver 5-6 glös voru tekin úr mér og ég ekki búin að fá morgunmatinn minn góða og var því svo lítið völt á leiðinni heim japlandi á epli. Jáh svo komu niðurstöðurnar, allt er í sínu fínasta lagi, járnið, sykurinn, fitann, vítamín og steinefni og nefndu það. Eitt kom þó ekki, skjaldkirtillinn klikkaði eitthvað og ég þarf að fara aftur í blóðprufu. Halló voru 6 glös af blóði ekki nóg handa ykkur. Ég er ekkert smá hissa á þessu. Kannski er þetta orðin einhver vani sem ég þarf að brjótast upp úr og taka mig á bara. Ussss þetta skil ég bara ekki.

Annars er það að frétta að ég fékk sjokk um helgina því verkefnafjöldinn í þessu lotu kennaranámi er rosalegt. Þeir eru að missa sig í þessu kennararnir og við fengum öll nett strasskasst. Ég tek þetta þó bara á rólegheitunum hérna og berst í gegnum þetta. Tek bara 3 verkefni í einu, held þeim öllum á lofti og skila þeim svo á réttan stað.

Ég bíð svo bara eftir leikjunum um helgina og fríinu okkar þar. Við eigum vonandi eftir að eiga góða ferð og góða leikji. Vonandi komast allir með og ég tel líklegt að við munum spila leikina líkt og síðast ef ekki betur. Vonandi fæ ég að spila mína stöðu þó svo að varnarstaðan hafi verið nokkuð skemmtileg síðast þá er ég miklu meira í center fíling núna.

Alla vega, gangi öllum vel næstu vikurnar og hafið sem allra best

Þar til næst

Kv. Jónína